رباعيات باعاميه المصريه

اوقات بحس نفسي اني مش م الناس
وأنسى هموم البشر واصبح بريء حساس
اضحك اوى واقول يمكن صبحت ملاك
لكنى برجع للغلط وادنس وادوس وانداس...وأه


انا ساعه واقفه مش بلف وادور
وكل عقرب صبح عاجز عايزله موتور
حتى الحجر خف وجف ايه الحكايه
قامت قيامتى ولا لسه جاي الدور ...وأه


انا قلت اه لما رأيتك يا جدع
مليح وزين وايه فى الجمال والبدع
سبحانه من سواك ارق من النسيم
وبقيت اخاف لتغيب واسأل عليك الودع ..وأه