طريقة لعب بيس 6 اونلاين

بسم الله الرحمن الرحيم هنتكلم النهاردة ازاى العب لعبة بيس 6 اونلاين ( اعتقد كده اوفيت بالوعد يابو علاء)
اولا قبل كل شىء اطلب منك طلبين
اول حاجة لو عندك انتى فيرس ريخم زى الافيرا والايه فى جى والكلام التيت ده اتصرف ووقفهم ده لو عايز تلعب اونلاين
تانى حاجة ارجوك سجل فى هذا الموقع

ادى الموقع يا رجالة
اشطة بعد كده نعمل ايه
حمل البرنامج التيت ده او الباكيدج دى كلها بس هو اهم واحد فيهم اللى هو PSL Client انا بقول عليه تييييت لانى متأكد ان فى ناس كتير هتقولى ان الانتى فيرس عندهم مسك البرنامج ده كفيرس بس
الفيرس ده مجرد بس ناتج عن اختراق للبروتيكشن بتاعة البرنامج ده الناتجة عن الكوبى رايت للبرنامج ده
بعد ماتحمل البرنامج حطه مع ملفات اللعبة هاه بيس كده قول اه
اشطة اوى انت سجلت فى الموقع صح ارجوك بقى اعمل لوج ان فى الموقع ده وسيبه مفتوح او اعمل مينميز مهم جدا الحركة دى سيب النافذة بتاعة الموقع مفتوحة او اعملها ميميز اشطة
افتح البرنامج التيييييت بيس هتظهرلك صورة سودة كده ومكتوب IP Address وفى كرسور بينور ويطفى زى كده

هتيجى انت بقى زى الشاطر هتاخد الرقم ده كوبى (الاى بى )
217.112.88.118
وهتيجى على الكونسل او الشاشة السودا بتاعة البرنامج التيييييت ودول كليك ليمين وبيست ماشى ودوس انتر


بعد كده روح افتح اللعبة وخش على نت ورك اللى هى الاقبل الاخيرة ولو انت عندك القايمة الرئيسية مش بتظهر فى البيس 6 عندك دوس سهمين فوق ثم اكس

اشطة
ثم هيجيبلك كده سيريال نمبر وفى باسورد المفرود تدخله دخل اى بتنجان اربع اصفار تسع اصفار دخل 6 1 حتى اى حاجة

ثم دوس اكس ثم كونكت هيجيلك تلات مربعات كده كل مربع فيهم يمثل بروفيل ليك هتدوس انت على اول او تانى او تالت مربع وتعمل بروفيل ليك

بس ونبى بلاش استعباط وتعملى بروفيلين وتخش مثلا اى بطولة بالاتنين لان ساعتها هتتشطب عضويتك من الموقع ودى بقى قصة كبيرة عشان ترجع تانى
المهم لما تخش هتلاقى حاجة اسمها pes6j open beta دوس اكس برضه ميهمكش
من اول هنا بقى دخلنا على الجد
هتلاقى بقى بتاع عشر غرف كل غرفة تمثل قارة طبعا احنا افريقيا اى حد يستعبط ويخش اوروبا على اساس انى ميركل بتاعة المانيا كانت مؤيدة للثورة ه............ انا مش هقول خش انت وجرب
طبعا هنخش افريقيا هتلاقى غرفتين لافريقيا افريقيا واحد وافريقيا اتنين
غالبا بتبقى افريقيا واحد هى اللى فيها المتشات وافريقيا اتنين كلها حجرات مغلقة لان بتبقى فيها بطولات
المهم هتخش افريقيا 1

لما هتخش على افريقيا هتلاقى اختيارات كتير ممكن نشرحها بعدين او تجربها انت المهم خش انت على اول اختيار Match Room

ثم هتلاقى تلات خيارات

اول حاجة روم سيليكشن دى لو دخلت فيها هيوريك الرومز كل الرومز اللى فى افريقيا 1 وهتلاقى كده شكل انسان جمب كل روم لما تلاقى روم فى رمز انسان واحد معنى كده ان الروم دى مفيهاش غير شخصية حقيرة واحدة وتخش انت وتلاعبه وتقطعه لو لاقيت اتنين منصحكش تخش لان لو دخلت ممكن تلعبو ملطى 2 ضد واحد وهتحصل خناقة تافهة على مين يبقى الواحد لو لاقيت تلات رموز لانسان يبقى لو انت حريف وتستحمل الفقع خش لان غالبا هتلعب ملطى مع واحد انت مش عارف هو حريف ولا نظامه ايه

ده روم سلكشن فى الاختيار التانى روم كريشين ده تعمل انت روم وممكن تعملها رقم سرى او تسيبها مفتوحة وتحطلها اسم وكده يعنى
واخر حاجة جيم استاتوس دى بيقلك نتائج كل المتشات اللى بتتلعب فى الرومز التانية تجسس يعنى
بعد كده اول متخش روم او تختار روم تدوس start paricipation لو انت اللى دوست الاول الاختيار ده قبل خصمك هتلاقى عندك الشوط الاول حلو جداااااا والشوط التانى يعنى مش اوى والعكس صحيح فخد بالك فى عيال سيس جوة وبتسيبك انت زى الغلبان يعينى وتدوس انت الاول تفرح انت فى الشوط الاول ويطلعو عين ........ فى الشوط التانى وعلى فكرة فى الاكسترا تيم العكس يعنى الشوط الاضافى الاول اللى داس اول واحد start participation بيبقى عنده بطىء والشوط الاضافى التانى بيبقى سريع
بس كده تخش تلعب وخلاص
معلش موضوع مفيهوش صور لان عندى النت فى اسوأ حالاته عشان كده معرفتش ارفع ولا صورة ومعلش برضه ان ممكن يكون موضوعى ناقصه تنظيم وده بسبب انى لسة لست خبيرا فى المنتديات
تانى حاجة ممكن تلاقى واحد اسمه 9otai الواد التنين ده من اسرائيل معرفش بيخش افريقيا على اى اساس بس انا فاكر انه قال انه عايش فى مصر الواد السيس ده بلاش تلاعبه عشان لو غلبك هيزلك لو انت حريف بس لاعبه اول ماتش لاعبته للاسف غلبنى وانا جالى احباط بس الحمد لله انتقام بعدها بتلات متشات وحصلت فى الاخر خناقة شاتية بينى وبينه وتطورت الى خناقة شاتية بين كل اللاعبين اللى فى افريقيا واحد ضده هو
تانى حاجة فى واحد اسمه Abdoun ده جزائرى ابن لاعيبة حرييييييييييييف اوى يا جماعة وعلى فكرة يا مصطفى بيلعب بالار تو بنفس الطريقة اللى انا بستفزك بيها اللى هو الكرة تعمل بنط قدام ايد الجون الواد ده انا لاعبته تلات متشات الحمد لله غلبته متشين وهو غلبنى متش والحمد لله مش هلاعبه المتش الرابع
تالت حاجة واخر حاجة هتلاقى الماتش عندك بالانتقالات القديمة كيك 2006ان شاء الله قريب جدا هقلكم ازاى تحدثو الانتقالات
اتمنى ان الموضوع يعجبكم واى حاجة مش واضحة ممكن اى حد يسأل عليها فى المنتدى الفظيع اللى احنا فيه ده والسلام عليكم ورحمة الله وبركاته

تمام يا برنس بس لو تعرف ممكن تعدل الموضوع وتضيف فواصل وصور عشان يبقى الموضوع جميل بس برده هو المضمون تمام واصل بقى