رباعيات باعاميه المصريه

اسد عجوز عايش وحيد منبوذ
عيان هزيل الجسد وكله فيا يجوز
ماعدش ليا وانا الملك سلطان
وماعدش نفسي غير بالموت افوز ...وأه


انا فيا منك ايه يا بنت الايه
فيا شقاوتك ولا حلاوتك ولا ايه
معقول نكون جسدين فى روح
وليه محال بس من غير ازاى وليه ...وأه


اسد وفيل وغراب وحوت وقرش
حيوان وطير وسمك ما يسووا قرش
فى غابه خطفونى وحبسونى فى قفص
وصرت فرجه للي يدفع قرش...وأه


ازاى تامن يابن بلدى عدوك
عدو جدكوأخوك وأبوك وامك
تطبيع دا ايه يتنيلو بنيله
يا عربي احضن اخوك وبلاش ولاد عمك...وأه


راحو وسألو الفيلسوف عالفرق بين الموت والانتحار
وبضحكه رد الفيلسوف اهو كله موت والفرق سوء الاختيار
واحد صبر ع القدر طمعان فى رحمه ربنا
وواحد كفر وماطقش يصبر واختار يموت موته حمار...وأه


قالو الفتن فى الارض كل يوم بتزيد
ايشي طائفي وايشى عنصري وبأيه يفيد
دينى او لونى او نوعى مادمت انسان
ولا نسيتو يا خلق اننا كلنا عبيد....وأه


قالو الحياه زهزها سيجاره وكاس
والكل عايش فيها كما الرقاص
غني ...فقير...زمار..كله ماشي
بس يا خساره ماشي فى الطريق ينداااااااس ...وأه


انا من زمان وانا خايف لابوح بالسر
احزان..هموم..غضب..وحالي عمره ما سر
اسكت ولا اقول واحكى عن بلوتي
ولا الكلام ما يفيد للي ابتلى بالمر...وأه


قالو زمان البنت تطلع لأمها
فى شكلها وطبعها وتبقى نفس دمها
وانتي يابنت حوا شاربه من امك ايه
اياكى تكوني شاربه منها جهلها...وأه


عجوز كفيف اخرس فتح عينيه وقال
ملعون ابوها المرأه وعلى كل حال
لازم تسمعها وتشوفها على حالها
وان كان محال يبقى هتعملها تمثال...وأه


اعمل حسابك يا ابني بكره جاي
والله اعلم هبقى ميت ولا حي
وان كنت فاكرني هدوملك تبقى واهم
الله يعينك عالحياه وماتقولش أي...وأه


بينى وبينك يا حبيبتي بحور
وصخره عاليه ووراها طاقه نور النور دا ايه يمكن امل ؟
ولا ملاك بيعلى ما بينا السور...وأه

شغل جامد واصل يا مان