تخاطيف
السلام عليكم ورحمة الله وبركاته مرحبا بكم ونتشرف انكم تكونوا اعضاء فى منتدانا وان شاء الله يكون بيتكم التانى


شرح برامج ومصارعه وكتب وافلام والعاب
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
المواضيع الأخيرة

شاطر | 
 

 data structure course sessions

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Kaka_Real
مشرف
مشرف


عدد المساهمات : 57
تاريخ التسجيل : 18/02/2011
الموقع : ورا محطة البنزين

مُساهمةموضوع: data structure course sessions    الأحد 27 فبراير 2011, 11:29 pm

data structure course session 2 27/2/2011
بسم الله الرحمن الرحيم
فى الموضوع ده هنتكلم عن كل حاجة تخص كورس الداتا ستركشر اللى احنا بناخده دلوقتى ارجو من جميع اصدقائى ان اى حاجة عايزنها فى الكورس يحطوها كرد فى الموضوع ده
النهاردة هنبدأ مع اول سيشن و هقول النهاردة اللى احنا اخدناه النهاردة يلا بينا
obj of this course
1- efficiency of algorthims
2- Abstract Data Type
3- ملحقتش اكتب ياريت اللى كتبها يقولنا عليها
-----------------------------------------------------------------------------------------------
دلوقتى بعد ما اتكلمنا عن اهداف الكورس نيجى نتكلم عن معنى السطور الرئيسية اللى احنا بنكتبها لما نيجى نكتب اى برنامج اول حاجة بنكتبها اللى هى

#include -------> directive
// copy and paste iostream code here
using namespace std;
using ---------> directive
std -----------> standard input and output

احنا بنكتب السطر ده بتاع using namespace std;
عشان الكومبيلر يعرف يستخدم الحاجات اللى بتتحكم فى الانبوت اللى بيخش للبرنامج والاوتبوت اللى بيطلع من البرنامج وطبعا اشهر مثال السى ان والسى اوت
ممكن السطر ده منكتبوش ونكتب ما يساويه عند كل سى ان وسى اوت السطر ده او الاضافة دى
std::cout<<" ";
std::cin>>" ";
-----------------------------------------------------------------------------------------------
دلوقتى هنتكلم عن اسماء الفريبلس names of variables
مينفعش انى لما اجى اسمى فريبل ان الاسم يبدأ برقم يعنى مثلا مينفعش اسميه
8abc ----------------> false
ممكن اسم الفريبل يبدأ بحاجة من اتنين اما _ او حرف انجليزى عادى يعنى ممكن يكون كده
abc , _abc ---------------------> true
فى طريقة تانية بيستخدمها بعض المبرمجين انهم يسمو الفريبل بطريقة معينة بحيث انهم يعرفو نوع الفريبل ده من اسمه
ازاى الكلام ده
بيحطو حرف فى الاسم بتاع الفريبل يدل على ذلك يعنى مثلا
s_i_any name , s_d_any name , s_f_any name
هنا حرف ال "i" , "d" , "f"
بيدل على النوع يعنى حرف الاى يدل على ان الفريبل ده من نوع int
برضه حرف الدى يدل على ان الفريبل ده من نوع double وهكذا بقى مع باقى الداتا تيبس
هو بصراحة اللى انا مش عارفه حرف الاس ده كنا بنحطه ليه ؟؟؟؟؟؟؟
ولكن الفكرة كلها اننا بنحط حرف صغير واحد يدل على نوع الفريبل
------------------------------------------------------------------------------------------------
طبعا كلنا عارفين اشهر انواع الدتا تيبس اللى هى
int , double , char , string , float , long
فى بقى فرق ما بين السى والجافا فى نوع معين من الداتا تيبس اللى هو
long long ده بيستخدم فى زى ال int
بالظبط لكن للارقام الكبيرة زى 2 مليار كده يعنى
فى الجافا اسم الداتا تيب المقابل ل
long long
حاجة اسمها big integer
يعنى
long long = big integer
-------------------------------------------------------------------------------------------------
بعد كده هنتكلم عن حاجة اسمها expression
الاكسبرشن ده هو المكون الاساسى لاى سطر فى اى برنامج
يعنى لما اقول x y ده اكسبرشن
وممكن سطرر واحد يكون فى اكتر من اكسبرشن لكن متداخلين مع بعض زى لما اقول

(x + y) * 5
x + y ---------------------> expression
result of x + y * 5 --------------------------> another expression
وفى الاكسبرشنس دى بنستخدم بعض العلامات الحسابية زى ال
العلامات دى بتتسمى
arithmatic operation
زى , - , * , / , | , &
طبعا ممكن حد يستغرب من اخر علامتين دول اللى هما | , &
دول بيتحول فيها الرقم الى النظام البينرى وبيحصل ما بين كل bit
ومايقابلها فى الرقم التانى عمليه اند او اور
فلو كانت العلامة اللى بين الرقمين | تبقى العملية دى اور لو كانت العلامة اللى بين الرقمين & يبقى العملية اللى هتحصل هى اند
مثال مثلا لو قلنا
3 & 2
10 & 11 = 0 1
لو اتكلمنا عن مثال تانى
3 | 2
10 | 11 = 11
-----------------------------------------------------------------------------------------------
بعد كده هنتكلم عن حاجة اسمها ال decisions اللى هى القرارات
فى كل برنامج ممكن نكون فى موقف اننا بيكون عندنا اكتر من اختيار وعايزين نختار منهم اختيار واحد بس
وبنختار الاختيار ده بناء على شروط معينة لازم تكون متحققة فى الاختيار ده
عشان كده عملو حاجة اسمها if condition
والاداة دى ( لو ممكن نسميها اداة ) بتمكنا من اختيار الاختيار الصح (ومعنى كلمة صح هنا انه يكون مطابق للشروط اللى احنا عايزينها) من مجموعة اختيارات كتيرة
السينتاكس بتاعة ال if condition هو
if ( condition )
{ -------------
-------------
----------}
else { ----------------------------
--------------------
-------------}
السينتاكس اللى فات ده بنستخدمه لو عايزين نختار مابين حاجتين بس طب لو عايزين نختار اختيار مابين اختيارات كتير بنعمل ايه

if ( condition )
{ -------------
-------------
----------}
else if ( condition ) { ----------------------------
--------------------
-------------}
else if ( condition ) { --------------
-------------------
---------------}
وهكذا مع بقية الاختيارات
فى اداة تانية غير ال if condition اسمها switch
ودى السينتاكس بتاعها كده
switch ( one variable )
case expression: ---------------------
---------------------
break;
case expression: ---------------------
---------------------
break;
السويتش دى بقى بتشتغل ازاى
اول حاجة انا بحط فريبل ما بين قوسين السويتش وده معناه انى بقول للكومبيلر ان الفريبل ده هو اللى انا هستخدمه فى المقارنة او فى اتخاذ القرار المناسب
ثم بحط كلمة case وجمبيها الاكسبرشن او الحالة اللى ممكن يكون الفريبل اللى فى السويتش بيحققها
ثم بحط نقطتين فوق بعض وبكتب للكومبيلر انا عايزه يعمل ايه لو حصل الشرط ده ثم بحط كلمة بريك break فى اخر كل case
طب انا امتى بشتغل ب if condition وبشتغل ب switch
if condition : بنستخدمها لو كان فى اكتر من فريبل هو اللى بيحدد القرار اللى هتخذه مش فريبل واحد هو اللى بيتحكم فى قرارى
switch : بستخدمها لو كان فى فريبل واحد بس هو اللى بيتحكم فى اختيارى
-----------------------------------------------------------------------------------------------
بعد كده هنتكلم عن حاجة اسمها ال loops
احنا لو كنا عايزين حاجة معينة تكرر عدد من المرات او تفضل الحاجة دى تتكرر لحد ما حاجة معينة تحصل
يعنى مثلا احنا لو عايزين نعمل لوب عدد من المرات المعروفة مسبقا فبستخدم حاجة اسمها فور لوب
السيناتكش بتاعها بالشكل ده

for(intial value such as i = 0;condition of loop;increment or decrement)
{
-------
--------
}
فى برضه نوع تانى من اللوبس بنستخدمه لو عايزين اللوب تحصل على الاقل مرة واحدة اسمها do - while loop
والسينتاكس بتاعها بالشكل ده
do{
----------------
----------------
----------------
} while(cond);
وفى نوع تالت من اللوبس ده اللى احنا بستخدمه لما عايزين اللوب يمشى لحد ما كونديشن معين يحصل ثم يقف
اللوبس ده اسمه while loop
while ( condition )
{
-----------
-----------
-----------
}
------------------------------------------------------------------------------------------------
دبوقتى هنتكلم عن حاجة اسمها object oriented
الكلمة دى معناها انى ببص على كل حاجة فى الدنيا على انها اوبجكت
الاوبجكت ده ليه ميثودس بيستخدمها ليه بعض المميزات والخواص
ولما نيجى نتكلم عن object oriented يبقى لازم نتكلم عن اربع حاجات رئيسسة
1- Abstraction
معنى كلمة abstraction يعنى انا باخد بس من كل entity اللى انا عايزه او بحتاجه
يعنى مثلا فى الكورس اللى احنا بناخده اللى يهم ادارة الكورس حاجات معينة من الطلاب زى الاسم الاى دى والدرجة
لكن شئون الطلبة بيهتمو بحاجات اكتر زى الاسم والاى دى والجى بى ايه ومجموع المواد اللى الطالب نجح فيها
يعنى الفكرة انى باخد بس اللى يهمنى معرفته من اوبجت معين اللى هو فى المثال ده الطالب
2- encapsulation
معنى كلمة encapsulation هو انى بجمع كل الخواص والعمليات والميثودس اللى يقدر اوبجكت معين يعملها بجمعها فى شىء واحد معين
زى الوقت لو جينا نتكلم عن الوقت هنلاقى فيه ال min - sec - hours
ولو اتكلمنا عن اوبيراشن ممكن نلاقى add minutes , add hours
الفكرة بقى هنا اننا نجمع كل الفريبلس دى والاوبيراشنس دى فى شىء واحد اللى هو الاوبجكت
3- inheritance
معنى كلمة انهيرتنس كلغة انجليزية يعنى الوراثة
وكلمة الوراثة فى البرمجة تعنى ان فى اوبجكت معين بياخد كل الخواص والميثودس من اوبجكت تانى وبيكون تابع ليه
الاوبجكت الصغير ده كمان ممكن نضيفله خواص جديدة يقدر يعملها
يعنى الاوبجكت الجديد = الاوبجيكت الاب بعض الخواص الجديدة اللى يستطيع الاوبجكت المشتق (الابن يعنى) بس اللى يعملها


4- polymolphism
لو جينا بصينا على المثالين دول
1 + 2 = 3
"ab" + "c" = "abc"
الاوبيراتور فى العملية الاولى كان ليه طريقة لاستخدامه ولكن فى العملية التانية كان ليه طريقة لاستخدامه تانية خاااااااالص
وكلمة polymolphism كلغة انجليزية تعنى التشكل يعنى اقدر اغير شكل حاجة معينة اكتر من مرة
وهو ده نفس اللى حصل
الاوبيراتور بلص اتغير شكله من اول عملية الى حاجة تانية خااااااااااالص فى العملية التانية
ولو جينا اتكلمنا عن مثال تانى بس اكثر عمقا فى البرمجة
لو جينا عملنا كلاس اسمه shape والكلاس ده فى فنكشن اسمها area
الكلاس ده مشتق منه تلات كلاسات تانية
circle , square , triangle
والفنكشن area عند ال circle = Pi r^2
area -----> square = r^2
area -----> triangle = 1/2 r * h
لو جينا عملنا اوبجكت من نوع shape اسمه x
shape x = new circle ;
x.area();
كده الفنكشن area اللى عند circle هى اللى هتتنفذ
shape x = new square ;
x.area();
كده الفنكشن area اللى عند square هى اللى هتتنفذ
وهكذا بنفس الفكرة
الخلاصة ان البولى موليفيزم تعنى التشكل يعنى ممكن يكون لفنكشن واحدة اكتر من شكل واحنا اللى بنتحكم فى تشكل الفنشكشنز دى
-----------------------------------------------------------------------------------------------
اخر حاجة هنتكلم عليها حاجة اسمها uml
فى ال uml بنعمل كلاس بشكل جرافيكس شوية
ولما نيجى نعمل حاجة public فى ال uml بنحط قبل الحاجة دى علامة
لو كنا عايزين نعمل الحاجة دى private بنحط علامة -
لو كنا عايزين نعلمها بروتيكتد عدى علينا بكرة هنقلك لان الراجل مش فاكر Very Happy
فى حاجة جديدة بقى اسمها package الحاجة دى هى الديفولت عند الجافا اللى هى لو البروجرامر محطش حاجة ولا بابليك ولا برايفت ولا حتى بروتيكتد
ولو عايزين نمثلها فى ال uml مبنحطش حاجة قبل لا او -
فى ال uml فى حاجتين
حاجة اسمها composition
ودى معناها ان انا بعمل علاقة مابين حاجتين منهم حاجة جزئية من الحاجة التانية الاكبر
يعنى univ -------------> departments
هنا ال departments جزئية من الشىء الكبير اللى هو university
فى حاجة تانية اسمها aggrogation دى هى هى ال composition لكن بيكون فى اختلاف بسيط بين الطرفين زى مثلا
department-----------------> professor
فى ال uml لما باجى اعمل interface لكلاس معين بعمله بالطريقة دى
public interface xyz
{
add(x , y , z) // ده طبعا مثال بسيط لفنكشن
substract(x , y);
}
ولما باجى اعمل implement للكلاس ده بعمله بالطريقة دى
public class abc implements xyz
add(x , y , z)
{
----------------
------------
---------------
}
وهكذا
انا كده خلصت وخلصت سيشن النهاردة اتمنى انى اكون عملت اضافة اعذرونى بس على عدم التنظيم وان شاء الله ملخص سيشن بكرة هيكون منظم اكتر وربنا يوفقنا كلنا ان شاء الله


عدل سابقا من قبل Kaka_Real في الثلاثاء 01 مارس 2011, 9:07 am عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
galardo
Admin


عدد المساهمات : 159
تاريخ التسجيل : 16/02/2011
العمر : 24
الموقع : egypt

مُساهمةموضوع: رد: data structure course sessions    الإثنين 28 فبراير 2011, 1:20 am

الله الله الله ايوة كدة يا ابو سمير هو دا الشغل ولا بلاش هننتظر المراجعة بتعتك كل يوم يا برنس

http://www.mediafire.com/?arx595xbfx8f8bp

ودا لينك عاملة اخونا Wifi فيه شرح اكتر لل UML

_________________



سبحان الله عدد ماكان وعدد ماسيكون و عدد الحركات والسكون




farao



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://takhatif-fci.forumegypt.net
Kaka_Real
مشرف
مشرف


عدد المساهمات : 57
تاريخ التسجيل : 18/02/2011
الموقع : ورا محطة البنزين

مُساهمةموضوع: data structure course session 2 28/2/2011   الثلاثاء 01 مارس 2011, 9:05 am

Java


Why Java?


Because it working on any computer system


How Java works?


Program code à virtual machine à operating system


لغة الجافا تعتمد اعتمادا كليا على الاوبجكت والكلاسيس


فى لغة الجافا لازم يكون اسم الفايل اللى انا بعمل فيه الكلاس هو نفس
اسم الكلاس اللى جواه والفايل ده انا ممكن اعمله عن طريق ملف تيكست عادى واغير
الاكستانشن بتاعه واخليه
.java


ودلوقتى نيجى نعمل اى برنامج لينا فى الجافا اللى هو بيكون غالبا hello world


والبرنامج ده طبعا زى ماقلنا فى اول الكلام ان ممكن يشتغل على اى اوبيراتنج
سيستم



البرنامج هيكون وظيفته ان يطلع كلمة hello world


طب نعلمه ازاى


اول حاجة نخش على السى ونعمل ملف تيكست عادى تماما


ونحط فيه الكلام ده


public class
HelloWorld {


public static
void main(String[] args) {


System.out.println("Hello World!");


}


} // end of
class HelloWorld


ملحوظة صغيرة بس كده واضح اوى من السطور اعتماد الجافا بشكل
اساسى على فكرة الكلاسيس واى حاجة ولو صغيرة الكومبيلر الخاص بالجافا بينظرلها على
انها كلاس عموما



وحاجة تانية وبنأكد عليها تانى لازم يكون اسم الفايل هو هو اسم الكلاس



عايزين نشغل او ن run البرنامج
ده



نعمل ايه


بعد محطينا الكلام ده فى الفيل هنغير الاكستنشن بتاع الفايل هنخليه .java


ثم هفتح ال run اللى فى قايمة ستارت


وهدخل فيها الامر cmd


هيطلع حاجة زى الكونسل هدخل فيها الديتنيشن بتاع البرنامج بتاعنا اللى
هو



C:\ HelloWorld


ثم بعد كده اكتب كلمة dir


من اول هنا بقى انا فصلت حتى كان اللى بيدينا قال انه مش فاهم السطور
اللى بعد كده يبقى انا هفهم مش محتاجة فقاقة
Very Happy


هو من الاخر بقى انا لما جيت اجرب الموضوع ده فشلت فشل ذريع يعنى عشان
نكون صرحاء يعنى المهم




البرنامج
الاساسى او الايديتور اللى بستعمله عشان نعمل بى اكواد جافا اسمه
NetBeans





دلوقتى لو جينا نتكلم شوية عن السطور اللى احنا كتبناها دى


public class HelloWorld


// to make a
class under the name of HelloWorld (names of classes must be in Camel Case)


{


public static
void main(String[] args)


// public
static function under the name of main and return void


{


System.out.println("Hello World!");


}


} // end of
class HelloWorld

اول سطر معناه اننا عرفنا كلاس جديد اسمه HelloWorld ولازم احط كلمة public او private
قبل اسم الكلاس زى ماكنا بنحط كلمة public , private لما كنا بنعرف كلاس فى السى بلص بلص


تانى سطر هنا معناه اننا عرفنا فنكشن بابليك جديدة اسمها main بس هنا لو خدنا بالنا من حاجة كتبنا كلمة static


ليه بقى


اعتقد ان الحتة دى ماكنتش واضحة شوية عند بعض منا وده بسبب انها يعنى
اتقلبت شوية النهاردة فى الاول



كلمة static هنا
معناها ان الفنكشن دى مش لازم اعمل اوبجيكت جديد عشان اناديها منه



يعنى مثلا لما كنا بنعمل getter function فى كلاس
اسمه
student


كنا عشان ننده الفنكشن دى بنعمل ايه


بنعرف اوبجكت جديد من نوع الكلاس


Student x;


x.get();


كنا بنعمل كده عشان الفنكشن دى مش ستاتك لكن هنا احنا مش محتاجين نعرف
اوبجيكت جديد مجرد بس انك تحط اسم الكلاس
. اسم الفنكشن


يعنى لو get دى كانت ستاتك فنكشن ممكن ناديها كده


Student.get();


نرجع تانى للكود بتاعنا واخر سطر اللى هو


System.out.println("Hello World!");


لو نمسك السطر ده كلمة كلمة يبقى نبدأ ب كلمة system دى حاجة
فى الجافا زى الهاش انكلود فى السى بلص بلص ودى الكلاس الكبيرة اللى فيها معظم
الكلاسيس الرئيسية للجافا



ثم فى out دى attribute فى الكلاس اللى اسمها system


ثم print دى فنكشن
فى الكلاس سيستم



ممكن نكتب بعد برنت ln دى كأنى
بقوله
endl فى السى بلص بلص


ممكن برضه لو عايز اكتب فى سطر بالكامل اشيل ln واحط باك سلاش ان قبل الدبل كونيشن الاخيرة يعنى السطر ده


System.out.println("Hello World!");


=



System.out.print("Hello World!\n");





بعد كده هنتكلم عن انواع جديدة فى الداتا تيبس او هى مش جديدة هى
تعاملنا معاها هيكون لاول مرة



الداتا تيبس الجديدة دى تصنف من نوع
primitive data types


وخدنا فى السيشن مثال على داتا تيب اسمه integer


Integer à
primitive data type


Integer هنا هى هى int اللى
احنا كلنا عارفنها بس الفرق ان
Integer هنا كلاس
اما
int فدى مش كلاس (ومحدش قال تبع مين دى جاية مع
مين يعنى)




فى برضه
ملحوظه تانية ان كل ال
primitive data type دايما
بتبدأ بحرف كابيتال






دلوقتى هنتكلم عن حاجتين اولا حاجة اسمها JOption Pane ثم هنتكلم عن احد الفنكشنس الداتا تيب Integer اللى
احنا اتكلمنا عليه فى الفقرة اللى فوق



لو بدأنا الكلام عن JOption Pane


ال JOption Pane هى عبارة عن لو نقدر نقول بداية فى ال GUI وبنستخدمها كمان كطريقة عشان ناخد الانبوت من اليوسر عن طريق احد
الميثودس اللى فى الكلاس دى
JOption Pane


اللى هى show Input Dialog


يعنى لو نشوف الكود ده هيلخص كل اللى احنا عايزين نقوله فى الفقرة دى


String s1 = JOptionPane.ShowInputDialog(NULL,"
enter Number ");


Integer r = Integer.ParseInt(s1);


System.out.Println(r 1);

قبل مانتكلم فى الكود فى بس ملحوطة ان الفنكشن ShowInputDialog بترجع حاجة من نوع استرنج


عشان كده عملنا فريبل من نوع استرنج وسميناه s1 وندينا
على الفنكشن
ShowInputDialog وادينالها اتنين ارجيومينتس


اول حاجة NULL والراجل اللى بيدينا مش عارف ليه بنحطها


تانى حاجة Enter Number ودى
الرسالة اللى بتظهر لما ييجى اليوسر يدخل الرقم
اللى عايز يدخله



رقم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


طب انت ازاى مستقبله فى استرنج


ماهو عشان كده كتبنا السطر التانى اللى هو بالظبط زى الكاستنج فى السى
بلص بلص



ال Primitive Data type (Integer) فيه
فنكشن اسمها
ParseInt وبتاخد
ارجيومينت واحد



من نوع استرنج ودى وظيفتها انها تجيب المقابل للاسترنج ده لكن فى حاجة
من نوع
int


تماما زى ماقلنا عبارة عن كاستينج


عشان كده هيكون السطر التالت مش محتااج شرح السطر التالت هيتولى
مسئولية انه يطلع الرقم اللى هيدخله اليوسر 1




فلو
اليوزر دخل 88 مثلا هيطلع فى الشاشة 89






دلوقتى هنتكلم عن حاجة اسمها Scanner


اسكانر ده داتا تيب معمول عشان
اقدر اخد حاجة من اليوزر عن طريق الكونسل يعنى طريقة عشان اخد انبوت من اليوزر زى
الطريقة اللى فاتت برضه



يعنى هنا لو نبص فى الكود ده (عايزين نعمل برنامج ياخد رقم من اليوسر
ويطبعه على الشاشة)



Scanner s1 = new Scanner (system.in);


Int x = s1.next int();


System.out.print(x);

لو بصينا على اول سطر فى البرنامج ده هنلاقى اننا بنعرف اوبجكت من نوع
اسكانر عن طريق كلمة
new


لو بصينا فى السطر التانى فهنا بنقول للكومبيلر اننا متوقعين اننا
نستقبل رقم انتيجر من اليوسر الكلام ده الكومبيلر عرفه عن طريق الفنكشن اللى اسمها
next int()



طبعا
السطر التالت مش محتاج شرح فهيكون كده السطر التالت هو اللى هيطبع الرقم اللى
هيدخله اليوزر على الشاشة






بعد كده اتكلمنا عن الارايس فى السى بلص بلص
لينك شرح للارايس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
data structure course sessions
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» كتاب بالعربي عن الdata structure
» للمبتدئين فى قواعد بيانات ADO, شرح لبدايات قواعد بيانات ADO
» iCare Data Recovery Software v3.7.1 | 3.5 mg
» دروس Python بالإنجليزية بسهولة - تعلم اللغة
» اكواد html للعيد روعة

صلاحيات هذا المنتدى:لاتستطيع الرد على المواضيع في هذا المنتدى
تخاطيف :: منتدى حاسبات ومعلومات-
انتقل الى: